Груби ги демантира информациите на Коха: Сите пост-изборни контакти со сите партии се пријателски и иницијални

Генералниот секретар на ДУИ вели дека се невистинити наводите на порталот на дневниот весник на албански јазик „Коха“ дека е постигнат договор за формирање влада меѓу СДСМ и ДУИ.

ДУИ е транспарентна партија. Во моментов, ниту една од многуте вести во медиумите не е потврдена од наша страна. Кога ќе имаме нешто конкретно, ќе бидете благовремено известени, напиша Груби на својот фејсбук профил.

Според него, ДУИ има пост-изборни контакти не само со СДСМ, туку и со другите партии и сите се како што вели Груби, „колегијални, пријателски и иницијални“.

Разговори за детали, како што се претставени, ниту имало, ниту се договорени со ниту една од страните“, пишува Груби на Фејсбук.