Мајките кои се на породилно протестираа пред Владата, со солзи во очите побараа продолжување на отсуството од работа

Со барање за укинување на одлуката на 23 септември да се вратат на работа, мајките на деца до шестгодишна возраст и оние кои се на породилно отсуство, попладнево излегоа на протест пред Владата.

Бараат породилното отсуство да биде продолжено до крајот на годината, а според нив во градинките нема место и воопшто не можат да ги запишат нивните деца. Петицијата ја потпишале 3.325 мајки.

Според владината одлука, од 14 септември, сите родители на деца од 0 до 6 години, кои досега беа ослободени од работниот процес, треба да се вратат на работа почнувајќи од 23 септември.

Една од мајките не можеше да ги задржи солзите:

„Ние не сме неработници, ние сме мајки кои се грижат за сопствените деца. Ние имаме кариери, сакаме да се вратиме на работа. Но, сакаме децата да ни бидат безбедни“, порача таа.