Фестивалот на урбана култура „Мурал“ вечерва во Кинотеката

Во дворот на Кинотеката на Македонија вечер од 22 часот ќе се одржи второто издание на Фестивалот на урбана култура „Мурал“.

– Духот на овој фестивал е негување на урбаната култура и уметност и за таа цел оваа година ќе биде нацртан мурал на зградата на Кинотека. Уметничкот печат ќе го даде артистката Воскресија Андреевска, информираат организаторите на Фестивалот.

Во рамки на фестивалот ќе се одржи и изложба на фотографите и уметниците Ирина Крстевска и Филип Лафазоновски.

– Оваа година беше предизвик за сите нас, па затоа е време за да им се даде простор на шаренилото од бои искомбинирани со музиката на изведувачите: Долорес Поповиќ, Андреј Татарчевски и Ди-Џеј Глумие, велат организаторите на фестивалот.