Позитивниот пациент кој избегал од ГОБ „8 Септември“ украл мантил и се „маскирал“ како доктор

Откако на социјалните мрежи беше објавено дека пациент позитивен на Ковид-19 синојќа избегал од Градската општа болница „8 Септември“, Директорот на болницата д-р Христијан Костов го потврди инцидентот.

Се работи за бездомно лице од Куманово кое откако било потврдено дека е позитивно на вирусот, избегало од болницата.

Од таму веднаш го пријавиле случајот во полиција и пациентот бил вратен во ковид-центарот уште во текот на ноќта.

Како што пренесоа медиумите, пациентот се лекувал една недела а синојќа околу 21:30 тој успеал да украде бел мантил и маскиран како доктор успеал да избега од болницата.

Полицијата го вратила во болницата два часа по полноќ.