Уметници и угостители: Нашата индустрија е пред целосен колапс, мерките ќе ни ги уништат бизнисите

Стотици уметници, угостители и сопственици на угостителски објекти денеска излегоа пред Владата на протест против донесувањето на рестриктивните кои важат само за нивната индустрија.

Како што вели Горан Арсовски, претставник на ноќните клубови од земјава, нивниот сектор е сериозно погоден поради корона кризата.

- Бараме состанок на кој ќе ги претставиме нашите барања. Изминатиот период бевме опфатени со првиот пакет мерки, кој беше за платите на вработените. Но, бизнис што не работи, не може да има вработени. Ние сме дојдени до финансиски колапс. Нашите објекти исполнуваат услови и можеме да донесеме подобри протоколи за работа. Мерење на температура на влез, електронско продавање на карти, сигурни вентилации, истакна Арсовски.