Во Кавадарци предавање за шеќерната болест, тивок убиец на човештвото

По повод одбележувањето на Неделата за борба против шеќерната болест, во услови на корона криза, следејќи ги сите стандардни мерки за превенција од корона вирусот, денеска во Црвен крст Кавадарци беше одржана презентација со 13 волонтери од основните и средните училишта, од страна на стручното лице – д-р Ѓорѓи Митрев, волонтер на Општинската организација.

– Преку оваа презентација беше потенцирано значењето на физичката активност, редовните контроли на шеќерот во крвта и начинот на здрава исхрана, како превентивни активности за спречување на шеќерната болест. Беше проследена презентацијата за шеќерната болест, со цел поблиско информирање на пошироката јавност од Кавадарци и Росоман.

Се надеваме дека преку спроведените активности дадовме придонес во подигнувањето на свеста од ризиците на појава на шеќерната болест, нагласија од Црвен крст Кавадарци.