Советникот на премиерот Зоран Заев за односи со јавноста, Марјан Забрчанец ја информираше јавноста дека е позитивен на коронавирусот откако се тестирал по добивање на лесни симптоми на настинка.

- Денес добив лесни симптоми на настинка, се тестирав и вечерва добив позитивен ковид-19 резултат. Добро се чувствувам, ги следам целосно советите на лекарите и од овој момент одам во домашна изолација.

Водете максимална грижа, вирусот наоѓа најразлични начини да продре до човечкиот организам. Носете маска секогаш, секаде, одбивајте физички контакти, преместете ги сите состаноци онлајн, одбивајте групирање, дезинфицирајте.Чувајте се, преку дисциплина и упорност ќе успееме. Стоп КОВИД-19!“, информира Забрчанец.


Администратор
29/10/2020 02:57