Сто и пет години од раѓањето на Минчев, првиот министер за образование во Македонија

На денешен ден во 1915 година во Кавадарци бил роден Никола Минчев, првиот министер за образование во ослободена Македонија, потсетува историчарот Петре Камчевски.

– Се образувал во Кавадарци и Скопје каде што извесно време работел како учител. За време на НОВ имал неколку функции, бил командант на штабот на третата оперативна зона и командант на партизанскиот одреде „Добри Даскалов“. Бил член на месниот комитет на КП за Кавадарци. Бил избран за делегат на Второто Заседание на АВНОЈ и на Првото Заседание на АСНОМ. Тој е првиот министер за просвета во Владата на Република Македонија. Подоцна станал Министер за финансии на ФНРЈ и Директор на сојузниот завод за стопанско планирање. По 10 години се враќа во Скопје каде е Претседател на Владата на Република Македонија и Претседател на Собранието на Република Македонија, појаснува Камчевски.

Бил член на Советот на федерацијата се до неговото пензионирање.