Милошоски: Барањата на Бугарија се дискретно поддржани и од две други земји членки на ЕУ

Пратеникот од редовите на ВМРО-ДПМНЕ, Антониот Милошоски на својот фејсбук профил доцна синојќа обелодени дека според негови дипломатски извори, Бугарија не била осамена во барањата и дека позади неа „дискретно“ стојат две земји членки на ЕУ.

- ДИПЛОМАТСКИ вести од БРИСЕЛ

📣Вечерва на амбасадорскиот ЕУ-состанок во Брисел, Бугарија ги блокирала 🔐 и заклучоците за Македонија, а не само предлог-преговарачката рамка. По однос на македонско-бугарските спорни прашања неколку земји членки јавно ги искажале своите симпатии кон Македонија и оправданоста за почеток на преговорите без ставање на билатерални спорови како одредници, бидејќи земјата има добиено препорака уште од 2009-та година.

📌Сепак по однос на последицата од наметнатиот спор, а тоа е одолговлекување на процесот на проширување на ЕУ, изгледа дека Бугарија не е осамена, туку има дискретна дипломатска поддршка од уште најмалку две земји членки на ЕУ❗

📌Истовремено неколку ЕУ членки, меѓу кои се и Франција, Грција, Италија и Холандија се против усвојување на заклучоци и/или преговарачка рамка само за Албанија поединечно. ➡️Германското претседателство ја прекинало дискусијата заради немање на консензус и темата за проширувањето повторно ќе биде отворена на состанокот на COREPER на 7-ми декември, во понеделник.

(дипломатски извори, Брисел), информира Милошоски.