Седници на собраниските комисии за финансирање и буџет и за здравство

Во Собранието на Република Македонија денеска седници ќе одржат комисиите за финансирање и буџет и за здравство.

На дневен ред на Комисијата за финансирање и буџет е Предлог на закон за задолжување на Република Македонија со заем кај Европската банка за обнова и развој по Договорот за заем за финансирање на проектот „Воведување на брз автобуски превоз во Град Скопје“, по скратена постапка, во второ читање.

Комисијата за здравство ќе расправа за измените и дополнувањата на Законот за здравствена заштита и на измените на Законот за здравственото осигурување, по скратена постапка и во второ читање.