Од вечерва од 21.00 до 05 00 полициски час во кантонот Сараево

Поради влошената епидемиолошка ситуација во Кантонот Сараево, од вечерва стапуваат во сила заострени рестриктивни мерки, па „полициски час“ наместо од 23 часот ќе почнува во 21 часот и ќе трае до 5 часот наутро. Оваа и други заострени мерки ќе бидат во сила следните 15 денови.

За време на тој период, според одлуката на кантонската Влада, ќе бидат затворени сите угостителски објекти, а ќе биде дозволена достава на храна. Се продолжува важењето на сите досега донесени мерки во тој Кантон, како што се задолжително носење заштитна маска на отворени и затворени простори, држење физичка дистанца, забрана за собири и без физичко присуство на настава.