Вакцини нема, договор со Фајзер нема, дефокус има: Лиде Лиде објави слика со Венко Филипче

Со маска на која пишува Лиде Венко, на социјалните мрежи, популарната Лиде Лиде објави слика со Венко Филипче со коментар дека конечно се сретнале.

Како што веќе и познато на јавноста, Лиде Лиде се прослави со нејзините коментари на прес-конференциите на министерот за здравство Венко Филипче на почетокот на короната криза, а прес-конференции кои по изборите можат да се избројат на прсти.

Во една емисија министерот беше прашан дали ќе пие кафе со Лиде Лиде на што тој одговори потврдно но и додаде дека тоа ќе се случи кога ќе заврши кризата со пандемијата.

Оттука, од сликата нејасно е дали пиеле кафе и дали можеби за Министерот Филипче корона кризата е веќе завршена, како што тој самиот изјави, но останува јасно, дека вакцини за граѓаните нема, а нема ни договор со компанијата Фајзер, за кој министерот четири месеци велеше дека има и дека кај и да е вакцините од овој производител ќе пристигнат.