Генерал Борислав Сертов: Немав нерегулирани средби со вработени во руската амбасада

Поранешниот началник на Воената полиција во Софија, генерал Борислав Сертов денеска ги отфрли наводите во медиумите како „лажни обвинувања и отворени лаги кои ја нарушуваат честа и достоинството на службениците на Воената полициска служба“.

Тој изјави дека во врска со фактот дека неговата служба го ослободила рускиот шпион Иван Илиев, се водат предистражни постапки против нејзините вработени.

Како што јави дописникот на МИА од Софија, Сертов изразува уверување дека има силни причини да верува дека нивната вина нема да се докаже на суд.

Како директор на службата, Сертов тврди дека не добивал информации за група руски државјани кои се појавиле на специјализирана опрема на НАТО во воен објект во близина на Пловдив, лоциран во јужна Бугарија.

– СО ОГЛЕД НА ФУНКЦИИТЕ И ЗАДАЧИТЕ ШТО ГИ ИЗВРШУВА ВОЕНАТА ПОЛИЦИЈА, ЈАС, КАКО НЕЈЗИН ДИРЕКТОР, КАТЕГОРИЧНО ИЗЈАВУВАМ ДЕКА НЕ СУМ ОДРЖУВАЛ НЕРЕГУЛИРАНИ СРЕДБ ВО НИТУ ЕДНА ПРИЛИКА СО ВРАБОТЕНИ ВО РУСКАТА АМБАСАДА ВО БУГАРИЈА, НАГЛАСИ ГЕНЕРАЛОТ.