Претседателот на српското Собрание, Ивица Дачиќ, денес изјави дека е подготвен за меѓупартиски дијалог за изборните услови, но дека претставниците на Европскиот парламент (ЕП) бараат два месеци за, како што изјавиле, подготвителната фаза, оценувајќи дека такво нешто е „бесмислено“.

-ЈАС НЕ СУМ АДРЕСАТА НА КОЈА ТРЕБА ДА СЕ ЖАЛИ НЕКОЈ. ГО ПОНУДИВ 15 МАРТ КАКО ДАТУМ КОГА СИТЕ ТРЕБА ДА СЕ СОБЕРЕМЕ, НО НЕ ГО СТОРИВМЕ ТОА ЗАТОА ШТО ПРЕТСТАВНИЦИТЕ НА ЕП ВЛЕГОА ВО ПОДГОТВИТЕЛНАТА ФАЗА ШТО ЌЕ ТРАЕ ДВА МЕСЕЦА, ИЗЈАВИ ДАЧИЌ ЗА РТС, ДОДАВАЈЌИ ДЕКА НЕ Е СИГУРЕН ДЕКА ТОА ЌЕ БИДЕ ВО ТЕКОТ НА ЛЕТОТО ЗАТОА ШТО „ТИЕ (ЕП) СЕ ГОСПОДА“ И ТОГАШ НЕ РАБОТАТ.

Според него, претставниците на ЕП сакаат „да имаат разговори со сите парламентарни партии, претставници на владата и претставници на, како што самите велат, проевропската опозиција“.

-И ПОТОА ПОВТОРНО ДА СЕДНЕМЕ И ДА ВИДИМЕ КАКО СЕТО ТОА ЌЕ ИЗГЛЕДА, САКАМ ДА КАЖАМ, ОВА ЌЕ ПОТРАЕ, А НАШ ИНТЕРЕС Е ШТО ПОБРЗО ДА ДОЈДЕМЕ ДО НЕКОЈА ЦЕЛ – ДА СЕ НАЈДАТ НЕКОИ РЕШЕНИЈА ЗА ПОДОБРУВАЊЕ НА ИЗБОРИТЕ УСЛОВИ, КАЖА ДАЧИЌ, КОЈ ВО ЕДЕН МОМЕНТ И РЕЧЕ НА ВОДИТЕЛКТА НА РТС ДЕКА„ ПРЕМНОГУ СЕРИОЗНО ГО СФАЌА ЕП“.

Тој порача дека ќе започне разговори со политичките партии без ЕП, затоа што не можат да чекаат тие да донесат решение „на послужавник“.

-ИМАТЕ НЕКОЛКУ ПАРТИИ КОИ САКААТ ДА РАЗГОВАРААТ ДИРЕКТНО СО ПРЕТСТАВНИЦИТЕ НА ВЛАСТА. НЕ МИ ПАЃА НА ПАМЕТ ДА ЧЕКАМ ДА ВИДАМ ШТО НЕКОЈ ЌЕ СЕ ДОГОВОРИ, ИЗЈАВИ ДАЧИЌ.