Бугарија/избори: „Има таков народ” ќе се обиде да формира влада на Бугарија доколку се повторат резултатите

Ако резултатите од изборите се повторат со оние од 4 април, бугарската политичка партија „Има таков народ“ ќе се обиде да формира влада. Ова за Нова ТВ го соопшти Ива Митева, претседателка на 45-то Национално собрание во Бугарија, номинирана од таа партија.

Како што јави дописникот на МИА од Софија,во претходниот парламент, според Ива Митева, било многу тешко да се работи, па не случајно овие се барања на партијата и дека тие не се само бајки.

Таа зборуваше позитивно за некои експерти во привремената влада на претседателот Румен Радев, но не рече дали „има таков народ“ ќе ги поддржи да останат во редовната влада, која треба да се формира по изборите на 11 јули во Бугарија .

Според Митева, главниот обвинител на Бугарија Иван Гешев не ја завршил својата работа поради санкциите што ги воведоа САД кон Бугарија. Според неа, изненадува тоа што со ваквите санкции од САД, Бугарија досега не сторила ништо. Според неа, Бугарија има доволно закони и механизми за борба против организираниот криминал и корупцијата, а во исто време беше јасно дека системот не работи и некој од надвор треба да каже дека Бугарија има проблеми.

Ива Митева го опиша како достојно одбивањето на Слави Трифонов да не се кандидира за пратеник во идниот парламент на Бугарија, бидејќи имало многу случаи кога лидерите се кандидираат, а потоа не влегуваат во Националното собрание. Доколку Слави Трифонов се кандидираше за претседател, таа рече дека ќе го поддржи.