Рама пред балканските лидери: Самитот јасен знак на нашата волја да преземеме регионално авторство, Вархеји започна со промовирање на овој голем план

Во Тирана се одржува Самитот на лидерите на Западен Балкан со кој претседаваат премиерот на Албанија, Еди Рама и еврокомесарот за проширување Оливер Вархеји.

-Голема благодараност до сите што ја прифативте поканата за толку кратко време, среќен сум и го поздравувам секого од вас. Вашето учество на овој Шести самит на Западен Балкан во Тирана е јасен знак за нашата подготвеност да преземеме регионално авторство за спроведување на планот на ЕУ, економскиот и инвестицискиот план и заедничкиот регионален пазар, рече Рама на отворањето.

Посебно му се заблагодари на Вархеји, кој според шефот на албанската влада, го започна и промовираше големиот економски и инвестициски план на заедничкиот регионален пазар.

-Јас сум многу благодарен на комесарот на ЕУ, Вархеји кој го започна и промовираше овој голем план, како клучен инструмент што ќе ни помогне економски да се опоравиме во пост-пандемискиот период, да работиме на социо-економска стабилност, да одиме кон одржлив раст, нагласи тој.

Потоа ги замоли медиумите за разбрање и побара да ги остават да продолжат со работа.

На Самиотот учествуваат претседателот на Црна Гора, Мило Ѓукановќ, како и премиерите на Македонија, Зоран Заев, на Косово, Албин Курти, на Србија, Ана Брнабиќ, на Босна и Херцеговина, Зоран Тегелтија.

Со лидерите од западен Балкан се и генералниот секретар на Советот за регионална соработка Мајлинда Брегу, директорот на секретаријатот на ЦЕФТА, Емир Ѓикиќ, како и Љуба Силјаноска, заменик директорка на Постојниот секретаријат на Транспортната заедница на ЈИЕ (Албанија, Бугарија, БиХ, Косово, Македонија, Србија и Црна Гора).

Пред почетокот на Самитот Рама имал одвоени средби со Вархеји, Брнабиќ и Тегелтија.

По официјалниот дел Рама и Вархеји ќе одржат заеднчка прес-конференција а по работниот ручек ќе биде потпишана заедничка изјава за продолжување на европската агенда.