Валчев: БТА може да ги услужува сите медиуми

БТА може да работи во служба на сите, изјави денеска генералниот директор на БТА, Кирил Валчев, за време на дискусијата пред доделувањето на годишните награди за телевизиско новинарство „Свети Влас“ во приморскиот град.

Според него, се помалку медиуми можат да си дозволат да плаќаат претплата за пристап до квалитетни информации од светските агенции.

-Наместо тоа, тие користат се и сешто. Тоа чини пари, а БТА може да го купи за секого, додаде тој.

Валчев посочи дека БТА може да обезбеди максимален пристап за сите бугарски медиуми, освен за местата каде што правата на агенцијата се суспендирани од трети страни. Покрај тоа, медиумите немаат можност да одржуваат широки дописнички мрежи, а БТА може тоа да го стори како услуга за сите.

-Ова е мојата цел во моментов – да ја проширам мрежата, додаде генералниот директор на БТА.

Тој се надева дека во овој мандат во сите регионални центри и поголеми општини БТА ќе има дописничка мрежа што ќе ја користат сите. Покрај тоа, БТА се обидува да има дописници барем во соседните земји на Бугарија. Ова, исто така, ќе биде од корист за сите медиуми.

Според Валчев, добро е трите јавни медиуми – БНТ, БНР и БТА, да имаат заедничка политика за одредени прашања. Ова повторно ќе биде во служба на целиот медиумски пазар во Бугарија. Таква заедничка политика е можна, на пример, за дописниците. Според него, нема смисла да се испраќаат тројца дописници на исто место.

-Големото прашање навистина е финансирањето. Мора да се најде решение за БНТ и БНР, но мора да има решение и за приватните медиуми, коментира генералниот директор на БТА.

Валчев гледа можност за помош на приватните медиуми преку дистрибуцијата.

-БТА може тоа да го обезбеди преку информативни ресурси. Може да помогне и со специфични програми, поврзани со квалитетното новинарство, како и програми за обука. Ова е се уште начин да се помогне, рече генералниот директор на БТА, Кирил Валчев.