„Српче“ доби конкуренција, Горан Герасимовски сака да се кандидира за Градоначалник на Центар

Претседателот на општинската организација на СДСМ Центар Горан Герасимовски во партијата поднесе кандидатура за градоначалник на општина Центар.

Герасимовски, заедно со својата кандидатура, поднесе и детална програма за развој на општината.

-Мојата замисла за урбана општина значи повеќе зеленило, урбани катчиња, повеќе паркинг места, современи училишта и градинки во кои ќе има слободни места за секое дете. Како жител на општина Центар но и како претседател на СДСМ Центар одблизу го следам развојот на општината и водејќи се од моите сопствени потреби како граѓанин сметам дека во општината недостасуваат проекти кои ќе ја зголемат нејзината функционалност но и ќе донесат позитивни промени кои ќе го олеснат и подобрат животот на центарци. Тие промени беа и мотивот заедно со кандидатурата за градоначалник на општина Центар да поднесам и програма за развој на општината. Гледам многу причини заедно со граѓаните да ги поставиме вистинските цели и вредности во општината. Ќе поставиме функционални системи за партиципативно владеење и наместо да зборуваме за транспарентност и отчетност ќе преземеме конкретен чекор – политиките ќе ги носиме со граѓаните за нас граѓаните, вели Герасимовски.

Горан Герасимовски во моментов ја извршува фунцијата директор на Државниот завод за индустриска сопственост.