На околу 20.000 вакцини против Ковид-19 во Бугарија им истекува рокот за употреба

Околу 20.000 дози истекуваат до крајот на јули и се на „Астра Зенека“, изјави директорот на Бугарската државна агенција за лекови, Богдан Кирилов, за Нова ТВ.

Како што јави дописникот на МИА од Софија, некои од овие вакцини сепак можат да се користат, но друг дел ќе биде фрлен. Според Богдан Кирилов, во никој случај, не може да се каже дека во Бугарија ќе има масовно исфрлање на вакцини.

Во Бугарија во моментов има 4,8 милиони вакцини од четирите одобрени за употреба во земјата. Тој најави дека околу 2.200 луѓе одлучиле да примат втора доза со Фајзер по првата на Астра Зенека. Во моментов, околу 15% од бугарските граѓани се целосно вакцинирани.

– ПУНКТОВИТЕ ЗА ВАКЦИНАЦИЈА ВО БУГАРИЈА ИМААТ МОЖНОСТ ДА ИСПОРАЧААТ 40-50 000 ДОЗИ НА ДЕН, НО СЕТО ТОА ЗАВИСИ ОД ЖЕЛБАТА НА ЛУЃЕТО, КОМЕНТИРА БОГДАН КИРИЛОВ. ТОЈ ОБЈАСНИ ДЕКА БУГАРИЈА РАЗГОВАРА ЗА ДОНИРАЊЕ ВАКЦИНИ НА СЕВЕРНА МАКЕДОНИЈА, КОСОВО, БОСНА И ХЕРЦЕГОВИНА.