Поради сервисирање, улици и населби од Куманово ќе останат без водоснабдување

Неколку населби од Куманово од средната зона ќе бидат без вода поради сервисирање на водоводната мрежа, соопштија денеска надлежните од јавното претпријатие „Водовод“ Куманово.

Водоснабдувањето ќе биде прекинато по полноќ и ќе трае до утре претпладне.

Поради изведба на периодично сервисирање на елементи на водоводен вод за средна зона Ф457.2мм, на ден 19 јули 2021, со почеток од 1 часот (недела наспроти понеделник) водоснабдувањето ќе биде прекинато на улиците од водот за средна водоводна зона- „Тоде Мендол“, „Б.И. Гуне“, „Вук Караџиќ“, „Поток Серава“, „Младен Стојановиќ“, „Франц Розман“, „Драгојло Диндиќ“, „Милан Зечар“, „Прозорска“, дел од „Бајрам Шабани“, „Васа Пелагиќ“, „Правда Спасовска“, „Бараки“ и околните улици кои гравитираат околу овие улици, додека во населбите „Гоце Делчев“, „Зелен Рид“ и „Јане Сандански“ ќе има намален притисок во водоводната мрежа-информираа од ЈП „Водовод“.