Четворица гевгеличани тргнаа пеш кон Крушево за прославата на Илинден

По добивањето благословот во манастирската црква ,,Свети Спас“, четворица гевгеличани, во рамки на ,,Илинденскиот марш 2021“, откако се поклонија пред спомениците на легендарните гевгелиски војводи Леонид Јанков и Сава Михајлов, пеш се упатија кон историското Крушево каде ќе присуствуваат на прославата на 118 годишнината од Илинденското востание.

– Голем адет е ова кој го исполнуваме не заради нас и илинденците од 1903 година,туку за нашите деца и младите да не заборават кои се нашите корени,од каде потекнуваат и какви биле нашите војводи,што работеле и за кого се бореле, истакнаа учесниците во петдневниот марш.

Организатор на маршот е Унијата на млади сили и Патриотскиот институт на ВМРО-ДПМНЕ. На пат кон Крушево учесниците ќе поминат преку Миравци, Демир Капија, Ваташа и Прилеп.