Нов систем за наводнување во валандовскиот регион

Премиерот Зоран Заев денеска ќе ја пушти во употреба капиталната инвестиција – систем за наводнување во валандовскиот регион. Станува збор за реализацијата на втората фаза на „Проектот за наводнување на јужната долина на реката Вардар“.

Од владината прес-служба информираат дека покрај премиерот Заев, на настанот обраќања ќе имаат и заменик-претседателот на Владата за борба против корупција и криминал, одржлив развој и човечки ресурси Љупчо Николовски, министерот за земјоделство, шумарство и водостопанство Арјанит Хоџа, градоначалникот на Валандово, Перо Костадинов, како и заменик-амбасадорот на Германија во земјата, Ото Граф.

Инвестицијата на овој капитален проект во вредност над 24 милиони евра е од исклучителна важност за развој на земјоделското производство во јужната долина на Вардар.