Дожд паѓаше во Делчево, повеќе од добредојден за пожарите

Дождот кој долго време беше најавуван од синоптичарите како спас за опожарените подрачја во Пијанец и Малешевијата, попладнево конечно го зафати делчевскиот регион. Во делови од општината меѓу кои и селата Ѕвегор, Стамер, Град и село Вирче, како што информираат жители, регистрирани се и врнежи од град.

– Овде во село Град се е побелено од големите зрна. Повеќето од она што го имавме засадено во дворовите е уништено од градот, вели жител на селото.

Крупни врнежи од град се забележани и во близина на месноста Илин Камен и манстирот Св.Ичија во селото Ѕвегор.