Владеaчката партија не соопшти нови кандидати по извршниот одбор, на социјалните мрежи кружи порака од Заев дека треба да се тактизира

Извршниот одбор на СДСМ доцна синоќа утврди уште неколку нови кандидати за градоначалници, кои, како што се наведува во партиското соопштение, ќе бидат објавени во текот на денешниот ден.

– Сите утврдени кандидати се дел од најдобрата понуда на СДСМ за локалните избори. Како што веќе најави, СДСМ во фази ја објавува победничка понуда со која излегува пред граѓаните како фаворит на локалните избори, се вели во кусото соопштение издадено по седницата на Извршниот одбор на владејачката партија

Инаку, на социјалните мрежи се појави скрин шот од порака која наводно е испратена од Претседателот на СДСМ и премиер Зоран Заев до членовите на извршниот одбор на партијата во која се вели дека е потребно да се тактизира со објавување на имињата на преостанатите кандидати за градоначалници. Останува нејасно дали пораката е автентична.