Невакциниран грчки генерал си поднел оставка од функцијата шеф на воена болница

Невакциниран грчки генерал, кој бил директор на воена болница во Атина, поднесе оставка наместо да се вакцинира против Ковид-19, јави Катимерини.

Според телевизијата Скај, генерал-потполковник пред десетина дена го информирал Министерството за одбрана дека нема намера да се вакцинира. Од него веднаш било побарано да поднесе оставка.

Болницата NIMTS (417) сега е под раководство на привремен администратор.

Грчката Влада на 1 септември им нареди на невакцинираните здравствени работници да заминат на неплатен одмор.

Во исто време, станува јасно дека повеќе од 300 невакцинирани офицери и вработени во вооружените сили продолжуваат да служат во воените болници, бидејќи документот со кој се наложува нивно суспендирање не е стигнат до нив.