Црвен крст Кавадарци подели околу 500 хигиенски пакети за социјално ранливи лица

Волонтери на Црвен крст на Република Македонија, Општинска организација Кавадарци, дистрибуираа околу 500 хигиенски пакети на социјално ранливи категории на лица и лектири за 8, 9, 10 и 11 години, за деца од семејства во социјален ризик.

Како што информираа денеска од кавадаречкиот Црвен крст, хигиенските пакети биле дистрибуирани во општините Кавадарци и Росоман, во централното градско подрачје и во руралните населби.

– Се надеваме дека со оваа мала помош ќе придонесеме кон превенција и спречување на Ковид-19 и притоа ќе помогнеме на социјално загрозеното население во одржувањето на личната хигиена, нагласија од Црвен крст Кавадарци.