Во Дебарско 111 активни на Ковид 19 - заразен жител се шетал по градот

Одделението за внатрешни работи – Дебар поднесе кривична пријава против жител на градот поради непочитување на здравствените прописи за време на епидемија.

-ОВР Дебар поднесе кривична пријава против Џ.А.(38) од Дебар поради постоење основи на сомнение за сторено кривично дело „непостапување според здравствените прописи за време на епидемија“. При контрола на лица кои имаат решение за задолжителна самоизолација, извршена на 20 минатиот месец, полициските службеници не го пронашле во неговиот дом, информира портпаролот на Секторот за внатрешни работи од Охрид, Стефан Димоски.

На подрачјето на општините Дебар и Центар Жупа, моментно активни на болеста се 111 лица кои имаат решенија за изолација.

Надлежните апелираат да се почитуваат здравствените прописи.