Поранешниот македонски амбасадор во Турција Горан Тасковски очекува да биде избран градоначалник на Битола

Поранешниот македонски амбасадор во Турција, а сега претседател на „Македонска ера трета/македонски независни листи“ Горан Тасковски, очекува да биде избран за градоначалник на Битола.

На промотовен настан во Битола, Тасковски најави дека ќе ги искористи дипломатските комуникации и ќе обезбеди турски инвеститори за инфраструктурни проекти.

-СОЗДАДЕНИ СЕ ЕКОНОМСКИ И БИЗНИС ИНВЕСТИЦИСКИ МЕЃУНАРОДЕН ТИМ СО СТРАНСКИ ЕКСПЕРТИ И УСПЕШНИ ЛИЧНОСТИ ОД СЕКОЈА ОБЛАСТ КОИ КАКО НАДВОРЕШНО ТЕЛО ЌЕ ПРИДОНЕСАТ ЗА УНАПРЕДУВАЊЕ НА БИТОЛА СО НОВИ ИНВЕСТИЦИИ. ТОАЕ НАСОКА ЗА РАЗВОЈ НА ЕКОНОМИЈАТА, КАКО И ПРОМЕНА НА МЕНАТЛИТЕТОТ И ВРАЌАЊЕ НА НАДЕЖТА ДЕКА ИДНИНАТА НА СИТЕ НИ Е ВО БИТОЛА. ВО ТИМОТ ИМА УСПЕШНИ МАКЕДОНЦИ И СТРАНЦИ ОД СВЕТСКИ ЦЕНТРИ ОД СЛОВЕНИЈА, СЛОВАЧКА, САД, АВСТРИЈА, КАНАДА, ШПАНИЈА, САУДИСКА АРАБИЈА, ТУРЦИЈА И МАЛТА, ИЗЈАВИ ТАСКОВСКИ.

Во програмата на кандидатот за градоначалник од партијата „Македонска ера трета“ содржани се проекти за реализирација реконструкција на влезовите во Битола, стационар за кучиња, дневен центар за деца со попречност, занаетчиски сокак во старата чаршија, дисконт картичка за студентите, маркет хала во зоната Жабени и други,

-Сметам дека посебно интересен ќе биде проектот откупен центар за земјоделски производи, рестартирање на битолската фабрика Шеќерана, проектот Џепане, потоа битолски препрат за елиминирање на загадувањето, тренинг центар за кучиња и други проекти кои ги посакуваат битолчани, истакна Тасковски.

Македонска ера трета/македонски независни листи, на претстојните локални избори ќе настапи и со листа со кандидат за членови на Советот на Општина Битола.