Во Битола претставена советничката листа „Поинаку“ поддржана од група избирачи

Советничката листа „Поинаку“ која во изминатиот мандатен период имаше двајца советници, повторно учествува на Локални избори.

Кандидатите на „Поинаку“ ќе продолжат со своите афирмативни и корегирачки политики, најави Габриела Илиевска, носителка на листата кандидати за членови на Советот на Општина Битола. – Чиста животна средина, добра инфраструктура и зголемен економски развој се приоритети на граѓаните, па затоа се и приоритети во нашата програма. Квалитетно образование, кариерни советувалишта, уредени паркови, велосипедски патеки, бројни културни манифестации, спортски сали,терени и настани, се само дел од она што е содржано во програмата која е изработена од битолчани. Остануваме доследни на тоа што одамна сме го ветиле, а тоа е дека ќе бидеме Поинакви од сите други, такви остануваме и понатаму, нагласи Илиевска.