Заев: Најдоброто за Дојран е Анго Ангов

Дојран и Дојранското езеро се бисерот на македонскиот југ и Дојран како и секоја друга општина го заслужува и го добива „Најдоброто“, а најдоброто за Дојран се Анго Ангов и неговата Програма која нуди развој на сите населени места во оваа општина. Четири години како централна и локална власт работевме посветено да го унапредиме квалитетот на животот тука и да го унапредиме туризмот, најзначајната стопанска гранка за оваа општина. Тоа ќе продолжиме да го правиме и во следниот период, рече премиерот и лидер на СДСМ Зоран Заев во обраќањето по повод претставувањето на кандидатот за градоначалник од СДСМ во оваа општина.

Туристичката понуда, рече Заев, ја збогатуваме со капитален проект, со формирање и развој на автокамп „Николиќ“.

-ЕЗЕРСКОТО КРАЈБРЕЖЈЕ ВО НИКОЛИЌ И НЕГОВАТА ОКОЛИНА ОДАМНА СЕ ПОЗНАТИ ПО УБАВИТЕ ПЛАЖИ КОИ ВО МИНАТОТО БИЛЕ МЕЃУ НАЈПОСЕТЕНИТЕ МЕСТА ВО ДОЈРАН. ВРЕМЕ Е ДА ГО ВРАТИМЕ ТОЈ СЈАЈ, ПРЕКУ ФОРМИРАЊЕ НА АВТО-КАМП И КАМПИНГ ЗОНА ЗА ТУРИСТИТЕ. ОВА ЗА ДОЈРАН ЌЕ ЗНАЧИ ПОВЕЌЕ ТУРИСТИ, НОВИ ИНВЕСТИЦИИ, НОВИ РАБОТНИ МЕСТА ЗА ЖИТЕЛИТЕ ОД ОКОЛНИТЕ НАСЕЛЕНИ МЕСТА И СЕКАКО СЕРИОЗЕН ПОТТИК НА ЛОКАЛНИОТ ЕКОНОМСКИ РАЗВОЈ. ЗАТОА, НА 17 ОКТОМВРИ ДА ДАДЕМЕ ПОДДРШКА ЗА „НАЈДОБРОТО“, ДА ГЛАСАМЕ ЗА АНГО АНГОВ И СОВЕТНИЧКАТА ЛИСТА НА СДСМ, ДА ГЛАСАМЕ ЗА БРОЈ 12 ЗА ДА ПРОДОЛЖИ НАПРЕДОКОТ, ДА ПРОДОЛЖИ РАЗВОЈОТ НА ДОЈРАН, ИСТАКНА ЗАЕВ ВО ОБРАЌАЊЕТО.