Петровска: Со новиот генерален урбанистички план да ги заштитиме граѓаните од урбанистичка мафија

Со новиот генерален урбанистички план за Скопје, кој е во изработка, имаме единствена можност да ги заштитиме граѓаните од урбанистичката мафија, да го зазелениме Скопје, да го исчистиме отпадот, да си ги вратиме јавните простори, да создадеме хумани соседства и да спроведеме одржливи сообраќајни решенија без пречки за луѓето со хендикеп, рече кандидатот за градоначалник на Град Скопје од Зелен Хуман Град, Ана Петровска.

Таа на денешната прес-конференција, презентирајќи ја својата изборна програма, посочи дека Зелен Хуман Град ќе придонесе за институционална промена за враќање на моќта од политичката и бизнис елитата кон граѓаните, и тоа преку одржлив развој, социјална правда, праведна транзиција, енергетска независност, чиста животна средина, урбана мобилност и заштита на животните.

Петровска најави дека ќе работат на ограничување на ширењето на градот, ќе го преиспитаат сообраќајниот концепт на градот, а планираат и поинаква структура на уличните профили од примарната сообраќајна мрежа.

-Го интегрираме урбанистичкото со транспортното планирање. Железничкиот прстен со брзиот јавен превоз функционираат со заеднички станици и во една мрежа. Имаме мрежа од урбано зеленило, паркови, дрвореди, зелени коридори покрај реките. Имаме одржлива урбана мобилност, велосипедската и пешачката инфраструктура се развиени и се безбедни, а јавниот транспорт е брз, пристапен и удобен, рече Петровска.

Посочи дека ќе инвестираат во енергетската ефикасност и соларната енергија, а работата на загадувачките индустриски капацитети и нивната работа редовно ќе се контролира од страна на бројни, стручни и добро опремени инспекциски служби на градот.

-ЈА РЕШАВАМЕ КОМУНАЛНАТА И ДРУГА ИНФРАСТРУКТУРА, ВОДОДОВОДОТ, КАНАЛИЗАЦИЈАТА, ПРЕЧИСТИТЕЛНАТА СТАНИЦА, ТОПЛИФИКАЦИЈАТА. ИМАМЕ ЛОКАЦИИ И ЦЕНТРИ ЗА СОБИРАЊЕ И СЕЛЕКТИРАЊЕ НА ОТПАД, РЕЦИКЛАЖНИ ЦЕНТРИ ЗА ГРАДЕЖЕН ШУТ, УЛИЦИ, ПОЗАРИ, ЈАВНИ ЗЕЛЕНИ ПОВРШИНИ И СООБРАЌАЈНА СИГНАЛИЗАЦИЈА, ОБЈЕКТИ ЗА ЗГРИЖУВАЊЕ НА БЕЗДОМНИ ЖИВОТНИ, ДОДАДЕ ПЕТРОВСКА.

Како што рече, обезбедени се услови за максимална селекција, рециклажа и компостирање на отпадот.

Најави дека ќе поттикнат создавање на социјални претпријатие за компостирање, формирање урбани градини и јавни кујни. Воведени се програми за заживување на занаетите, поттикнати се зелените стартапи, поддржани се малите, локални зелени бизниси. Поттикнато е социјалното претприемништво, со акцент на младите.

-СЕ ГРИЖИМЕ ЗА МАРГИНАЛИЗИРАНИТЕ И РАНЛИВИТЕ ГРУПИ, ГИ ВКЛУЧУВАМЕ МЛАДИТЕ ВО ДОНЕСУВАЊЕ НА ОДЛУКИ ЗА РАЗВОЈОТ НА СКОПЈЕ. СОРАБОТУВАМЕ СО МЛАДИНСКИ ОРГАНИЗАЦИИ, И НАОЃАМЕ РЕШЕНИЈА НА ПРОБЛЕМИТЕ НА МЛАДИТЕ. ПОСТОЈАНО РАБОТИМЕ НА НАМАЛУВАЊЕ НА БРОЈОТ НА БЕЗДОМНИ ЖИВОТНИ, СЕ ДОДЕКА НИВНОТО ТАЛКАЊЕ ПО СКОПСКИТЕ УЛИЦИ НЕ СТАНЕ МИНАТО, ДОДАДЕ КАНДИДАТКАТА ЗА ГРАДОНАЧАЛНИК НА СКОПЈЕ.

Драгана Велковска, носителка на независната советничка листа на Зелен Хуман Град на денешната прес-конференција посочи дека буџетот на Град Скопје мора да биде партиципативен, мора во него да бидат вклучени граѓаните, мора да биде вклучена стручната јавност, но и да бидат вклучени сите членови на Советот, будејќи, како што рече, тие се избрани од граѓаните.

-СКОПЈЕ Е ПРЕД КРСТОПАТ СО НОСЕЊЕТО НА ГЕНЕРАЛНИОТ УРБАНИСТИЧКИ ПЛАН. ВО ПРЕТСТОЈНИОТ МАНДАТ НИЕ ЌЕ ЗНАЕМЕ ДАЛИ ЌЕ ИМАМЕ ИЛИ ЌЕ НЕМАМЕ ГРАД, И ТОА НЕ СМЕЕ ДА СЕ ОСТАВИ ВО РАЦЕ НА КОРУМПИРАНИ ПОЛИТИЧАРИ, ВО РАЦЕ НА ЛУЃЕ КОИ ДОКАЖАА ДО СЕГА ДЕКА НЕМААТ ИНТЕРЕС ДА ГО ШТИТАТ ЈАВНИОТ ИНТЕРЕС. ЗАТОА МОРАМЕ ВО СОВЕТОТ ДА ВНЕСЕМЕ ШТО ПОВЕЌЕ ЛУЃЕ КОИ СО СВОЈОТ МИНАТ ДОЛГОГОДИШЕН АКТИВИЗАМ ВО НАЈГОЛЕМ ДЕЛ ВОЛОНТЕРСКИ, ДОКАЖАЛЕ ДЕКА ТИЕ СЕ ВСУШНОСТ ЕДИНСТВЕНИТЕ КОИ СЕ ГРИЖАТ ЗА ДОБОРОТО НА ОВОЈ ГРАД, ДОДАДЕ ВЕЛКОВСКА.

Таа ги повика сите граѓани да им дадат поддршка на претстојните избори, бидејќи според Велковска, нема друг начин за да се излезе од 30 годишното млатретирање, освен да се поддржат независни луѓе кои размислуваат со сопствена глава, кои не се диригирани и диктирани од центри на моќ