Здравствените работници од Кичево први ја примија третата доза вакцина против Ковид-19

Здравствените работници од кичевската Општа болница и Здравствениот дом или стотина вработени од овие здравствени установи кои претходно ја примиле втората доза, деновиве ја примија и третата доза вакцина против Ковид-19, изјави Мира Мојсоска, медицинска сестра од Здравствениот дом Кичево.

– ЕДНА ОД ПРИОРИТЕТНИТЕ ГРУПИ ГРАЃАНИ КОИ СЕ НАЈМНОГУ ИЗЛОЖЕНИ НА ИНФЕКЦИЈА ОД КОВИД-19, ЗДРАВСТВЕНИТЕ РАБОТНИЦИ ПРВИ ЈА ПРИМИЈА ТРЕТАТА ДОЗА НА ВАКЦИНА ПРОТИВ КОВИД-19 И ТОА ВРАБОТЕНИ КОИ ПРЕД ШЕСТ И ПОВЕЌЕ МЕСЕЦИ ЈА ПРИМИЈА ВТОРАТА ДОЗА ВАКЦИНА НА „ФАЈЗЕР“ ИЛИ „СПУТНИК-В“, РЕЧЕ МОЈСОСКА.

Интересот за трета доза меѓу вработените, посочи таа, е голем и безмалку сите што беа два пати вакцинирани од нашите здравствени установи ја примија и третата доза на вакцина. Таа најави дека наскоро очекуваат трета доза да примат поголемиот број жители на Општина Кичево, а меѓу првите ќе бидат имунизирани лицата кои се директно изложени на можна зараза од Ковид-19 и како што ќе привршуваат шесте месеци од втората вакцина, така граѓаните ќе можат да ја примат и третата доза вакцина на „Фајзер“.

-ПОКРАЈ ЗДРАВСТВЕНИТЕ РАБОТНИЦИ И ОСТАНАТИТЕ ГРАЃАНИ НАСКОРО ЌЕ МОЖАТ ДА ЈА ПРИМАТ ТРЕТАТА ДОЗА НА ВАКЦИНА ПРОТИВ КОВИД-19. ВО ЗДРАВСТВЕНИОТ ДОМ ИМА ГРАЃАНИ КОИ ДЕНОВИВЕ ЈА ПРИМИЈА ИЛИ ПРИМААТ ПРВАТА ИЛИ ВТОРАТА ДОЗА НА ВАКЦИНА. ОВИЕ ГРАЃАНИ МОЖАТ ДА БИРААТ ПОМЕЃУ ВАКЦИНИТЕ ОД ТРИ ПРОИЗВОДИТЕЛИ И ТОА НА„ ФАЈЗЕР“„,АСТРА ЗЕНЕКА“ И„ СИНОВАК“. ДНЕВНО ВО НАШИОТ ЗДРАВСТВЕН ДОМ СЕ ВАКЦИНИРААТ ИЛИ СЕ РЕВАКЦИНИРААТ ОД 40-50 ГРАЃАНИ, ОД КОИ ПОГОЛЕМИОТ БРОЈ СЕ РЕВАКЦИНИРААТ, ДОДЕКА НЕШТО ПОМАЛ Е БРОЈОТ НА ЛИЦАТА КОИ ЈА ПРИМААТ ПРВАТА ВАКЦИНА. ВИДЛИВ Е НАМАЛЕНИОТ ИНТЕРЕС ЗА ВАКЦИНАЦИЈА СПОРЕДЕНО СО ПЕРИОДОТ АВГУСТ И ПРВА ПОЛОВИНА НА СЕПТЕМВРИ, ДОДАДЕ МОЈСОСКА.