Независна листа „Поинаку“-Битола: Формирање на Шелтер центар за жени жртви на семејно насилство

Во Битола ќе формираме Регионален шелтер центар за жени жртви на семејно насилство, изјави Габриела Илиевска, носител на листата кандидати за членови на Советот на Општина Битола – „Поинаку“.

Илиевска потсети дека идејата е нејзин нереализиран проект во претходниот мандат иако претседавала со комисијата за еднакви можности.

-ВО СЛЕДНИОТ МАНДАТ ПОВТОРНО ОВОЈ ПРОЕКТ ЗА МЕНЕ ЌЕ БИДЕ ПРИОРИТЕТ БИДЕЈЌИ ЗНАМ ДЕКА МОЖЕ ДА СЕ РЕАЛИЗИРА. СО СОРАБОТКА НА ГРАДОНАЧАЛНИЦИТЕ И КОМИСИИТЕ ЗА ЕДНАКВИ МОЖНОСТИ НА ЕЛС, ВО ОПШТИНИТЕ ОД ПЕЛАГОНИСКИОТ РЕГИОН, ЌЕ ПОЧНЕМЕ ИНИЦИЈАТИВА ЗА ФОРМИРАЊЕ НА ВАКОВ ВИД НА ШЕЛТЕР ЦЕНТАР. ОВОЈ ПРОЕКТ ЌЕ БИДЕ РЕАЛИЗИРАН СО СКЛУЧУВАЊЕ НА ПОСЕБЕН МЕЃУОПШТИНСКИ ДОГОВОР, ВО КОЈ ЌЕ СЕ ПРЕЦИЗИРААТ ДЕТАЛИТЕ ЗА ОСНОВАЊЕ И РАБОТА НА ЦЕНТАРОТ. БИТОЛА ЗАСЛУЖУВА ДА БИДЕ НОСИТЕЛ НА ЕДЕН ВАКОВ ПРОЕКТ БИДЕЈЌИ ИМА УСЛОВИ, БУЏЕТ И НЕВЛАДИН СЕКТОР КОЈ МОЖЕ ДА ГО ОСТВАРИ, ИСТАКНА ИЛИЕВСКА ОД „ПОИНАКУ“.