Мурсели: Во планинските тетовски села ќе развиваме туризам

Кандидатот за градоначалник на Тетово од коалицијата на Алијанса за Албанците и Алтернатива, Вулент Мурсели заедно со кандидатите за советници имаа средби со жителите на тетовските шарпланински села Селце и Вејце. На средбите беше и претседателот на Алијанса за Албанците, Зиадин Села.

–ВЕТИВ ДЕКА ЌЕ ИЗГРАДИМЕ САЛА ЗА ОВОЈ ДЕЛ ОД ПЛАНИНСКИТЕ СЕЛА. ШТО СЕ ОДНЕСУВА ДО ПРОГРАМАТА, САКАМЕ ДА ГО РАЗВИВАМЕ ПЛАНИНСКИОТ ТУРИЗАМ 12 МЕСЕЦИ. КАКО ОПШТИНА, ЌЕ БИДЕМЕ ПОСВЕТЕНИ ДА ГИ КОРИСТИМЕ ВЕЈЦЕ ЗА ТУРИСТИЧКИ ПОСЕТИ, ДА ГО ПОВРЗЕМЕ СО КОСОВО ЗА ДА МОЖАТ ДА ДОАЃААТ ТУРИСТИ И ОД КОСОВО. ТУКА СЕ ГЛЕДА ДЕКА АКТУЕЛНАТА ВЛАДА НЕ НАПРАВИЛА НИШТО ЗА ВЕЈЦЕ И СЕЛЦЕ. ЗА СЕЛЦЕ Е ВАЖНО ДА СЕ НАПРАВИ ПАТ, РЕШЕНИЕ ЗА ВОДОСНАБДУВАЊЕ. ЗА НАС, ОВИЕ ПЛАНИНСКИ НАСЕЛБИ ЌЕ БИДАТ ПРИОРИТЕТ, БИДЕЈЌИ СИТУАЦИЈАТА Е ТЕШКА И ВО ДРУГИТЕ СЕЛА, ИСТАКНА МУРСЕЛИ.

Носителот на листата Музафер Етеми пред присутните рече дека животот во тие села е тежок и се прашува дали до таму власите доаѓале со возила или со хеликоптер.

-ДОЃАЈЌИ ТУКА ЗАСТАНАВ И ДОБИВ ЈАБОЛКО, ИМАШЕ ПОСЕБЕН ВКУС, ЗОШТО ДА НЕ СЕ ОДГЛЕДУВААТ ЈАБОЛКА НА ОВИЕ ПРОСТОРИ. ТРЕБА ДА ВИДИМЕ КАКО МОЖЕ ДА СЕ РАЗВИЕ ОВОЈ СЕКТОР, ПОТРЕБНА Е ЖЕЛБА, ВОЛЈА И РЕШИТЕЛНОСТ. ИМАВ ЖЕЛБА И ВЛЕГОВ ВО ОВАА ТРКА СО НАМЕРА ПОСЕБНО ДА СЕ ГРИЖАМ ЗА ОВИЕ МЕСТА. МОРАМЕ ДА БИДЕМЕ ВНИМАТЕЛНИ, СЕГА НЕ СМЕЕМЕ ДА ПРАВИМЕ ГРЕШКИ, РЕЧЕ ЕТЕМИ.

Претседателот Зиадин Села рече дека кога зборувал со кандидатите инсистирал ветувањата да се реализираат.

–НАШИТЕ ПРОТИВНИЦИ НЕ ОДРЖАА НИТУ ЕДНО ВЕТУВАЊЕ ДО ВЛАДАТА. СЕ ОБВРЗАВМЕ НА ЗАКОНОТ ЗА ДРЖАВЈАНСТВО И ГО ПОСТАВИВМЕ УСЛОВОТ И ГО НАПРАВИВМЕ. ЗОШТО ГО ВЕЛАМ ОВА ЗАТОА ШТО САКАМЕ ДА ПОСТАВИМЕ СТАНДАРД ВО ПОЛИТИКАТА. НАШИОТ СТАНДАРД Е ЗБОРОТ ШТО СЕ ЧУВА. АКО ГЛЕДАТЕ НАЈТРАНСПАРЕНТНИ ОПШТИНИ СЕ ОПШТИНИТЕ ПРЕДВОДЕНИ ОД АЛИЈАНСАТА ЗА АЛБАНЦИТЕ И АКО ГИ БАРАТЕ НАЈНЕТРАНСПАРЕНТНИТЕ И НАЈЗАДОЛЖЕНИ ОПШТИНИ ЌЕ ГИ НАЈДЕТЕ ОПШТИНИТЕ НА ДУИ. ТИЕ ДОЈДОА НА ВЛАСТ СО ВОЈНАТА ВО 2001 ГОДИНА, ВЕЛЕЈЌИ ДЕКА ЈА ДОНЕСОА СЛОБОДАТА, ДОДЕКА ДЕНЕС ПО 20 ГОДИНИ АКО СЕ ВРАТИМЕ НАЗАД ГЛЕДАМЕ ДЕКА 200 ИЛЈАДИ АЛБАНЦИ ЈА НАПУШТИЛЕ ЗЕМЈАТА. КАКВА СЛОБОДА ДОНЕСОВТЕ ЗА ДА ГИ ИСТЕРАТЕ ЛУЃЕТО ОД СВОИТЕ ДОМОВИ И ДА БИДАТ ВО ПРОГОНСТВО? НИЕ МОРА ДА СЕ ОБВРЗЕМЕ ДЕКА ЌЕ ДОНЕСЕМЕ НАДЕЖ, ПРОМЕНАТА НОСИ НАДЕЖ И ПОВЕЌЕ ДЕМОКРАТИЈА, РЕЧЕ СЕЛА.

Тој повтори дека за последната трагедија во модуларната болница потребна е човечка одговорност.