Спасовски ја продолжува изборната кампања во Куманово за поддршка на Илиевски

Потпретседателот на СДСМ, Оливер Спасовски денеска од Куманово порача дека вложувањата во училишта, градинки, патишта, здравствените установи ќе продолжат во сите населени места. Тој заедно со кандидатот за градоначалник од СДСМ, Оливер Илиевски ги посети Агино Село и дел од кумановските населби.

– НАШИТЕ ПОЛИТИКИ СЕ ЗА ПОДОБАР ЖИВОТ НА ГРАЃАНИТЕ, ЗА ЗГОЛЕМУВАЊЕ НА ЖИВОТНИОТ СТАНДАРД, ЗА УНАПРЕДУВАЊЕ НА ИНФРАСТРУКТУРАТА И УСЛОВИТЕ ЗА ЖИВОТ ВО СЕКОЈА ОПШТИНА, ВО СЕКОЈ ГРАД И НАСЕЛЕНО МЕСТО, А ТОА ГРАЃАНИТЕ НА КУМАНОВО ГО ПРЕПОЗНАВААТ, РЕЧЕ СПАСОВСКИ НА СРЕДБА СО ГРАЃАНИТЕ ВО КУМАНОВО И АГИНО СЕЛО.

Најави дека комуналната инфраструктура ќе остане во фокусот.

– ПОСТАВИВМЕ ПРИМЕР НА ОДГОВОРНО, ДОМАЌИНСКО И ОТЧЕТНО УПРАВУВАЊЕ СО ЈАВНИТЕ ФИНАНСИИ. ПАРИТЕ НА ГРАЃАНИТЕ ДЕНЕСКА НЕ ГИ ТРОШИМЕ НА БАРОК, НА СПОМЕНИЦИ И ПАЛМИ, ТУКУ ВЛОЖУВАМЕ ВО УЧИЛИШТА, ГРАДИНКИ, ПАТИШТА, ЗДРАВСТВЕНИ УСТАНОВИ И СОЦИЈАЛНИ ЗГРАДИ. РЕЗУЛТАТИТЕ СЕ ВИДЛИВИ, БЕЗ ОГЛЕД ЗА КОЈ СЕКТОР СТАНУВА ЗБОР И ЗА СЕТО ОНА ШТО ЗНАЧИ УНАПРЕДУВАЊЕ НА КВАЛИТЕТОТ НА ЖИВОТ НА ГРАЃАНИТЕ, ПОТЕНЦИРАШЕ СПАСОВСКИ.

Тој рече дека ќе се гради современа инфраструктура во секоја општина, град, село, ќе продолжат инвестициите во атмосферска канализација, како и реконструкција на улиците во општините, локалните патишта, изградба на велосипедски патеки.

Спасовски најави и поддршка на инфраструктурата неопходна за развој на алтернативниот туризам и рече дека граѓаните ќе го поддржат Оливер Илиевски за градоначалник на Куманово и советниците од советничката листа на СДСМ и коалицијата за реализирање на сите проекти за најдоброто за Куманово.