Проекција на филмот „Тhe Hip – Brainstorm“ во Центарот за култура во Куманово

Долгометражниот музички/документарен филм „Тhe Hip – Brainstorm“ ќе биде прикажан денеска во НУЦК „Tрајко Прокопиев” – Куманово. Филмот е во режија на Јане Алтипармаков, а автор на оригиналната идеја е Љубиша Петрушевски.

„Тhe Hip – Brainstorm“ е продолжение, документарно надополнување на долгометражното ДВД издание „The Hip-Reality Overdrive“.

Во филмот се појавуваат Сеад Хаџиќ-Сецко (Last Expedition, Мугер Фугер), Васко Атанасоски (Bernays Propaganda, Балкан Велики), Тошо Филиповски – автор на првата сеопфатна македонска рок енциклопедија, Методи Стојанов (Музичка младина), Саша Павловиќ (Suns, Kritika.mk), Ивица Димитријевиќ (Rib), Мирко Попов (PMG Kolektiv), Костадин Шурбановски (Канал 103), John Robb (The Membranes), Филип Марјановиќ (Студентски Збор), Ѓокица Зафировски (Suns), Љупчо Јолевски, Зоран Ристевски, Даниел `Бушава азбука` Димитровски, Владимир Каевски, членови на бендовите The Hip, Morbid Joker, ТБ Трачери.

Во филмот ексклузивно се измонтирани архивски снимки од настапите на Електрични оргазам, ЕКВ, Nirvana, Psychic TV, Buzzcocks, Sonic Youth, Young Gods.

Филмот трае 90 минути, а влезот ќе биде со донација на врата. Организатор на проекцијата е Wire Entertainment (Ваер Ентертејнмент) од Куманово.