Радев: Вакцините се единствената заштита од Ковид

Бугарскиот претседател Румен Радев го коментираше сериозниот пораст на преваленцата на „Ковид-19“ во земјата. Според него, секој е слободен сам да донесува одлуки за своето здравје, но вакцините се единствената заштита што ја имаме во моментов, а тоа го потврдуваат сите статистики за приеми во болница и смртни случаи. Тоа го потврдуваат и земјите кои напреднаа со вакцинација и веќе се отвораат за полноправен социо-економски живот.

Румен Радев коментираше дека секојдневно се преземаат мерки и ги повика сите слободно да ја донесат својата одлука со одговорност кон себе и кон другите.

„Нема да присилиме никого да се вакцинира, но насекаде има точки за вакцинација, затоа размислете за себе и за вашите најблиски“, додаде Радев.

Претседателот на земјата ги коментираше и високите цени на електричната енергија и гасот, велејќи дека проблемот е паневропски, а Бугарија е единствената што има предност што потрошувачите во домаќинствата не се на слободниот пазар, туку на регулираниот пазар.