Црвен крст ќе врши бесплатна сертифицирана обука на негуватели на стари лица и лица со попреченост

Општинската организација на Црвен крст, Крива Паланка објави конкурс за бесплатна обука на негуватели за помош и нега на стари лица и лица со попреченост.

Конкурсот е отворен до трети ноември 2021 година, а важи за жителите на општините Крива Паланка и Ранковце.

-Отпочнуваме уште една исклучително важна активност, бесплатна обука во нашиот нега центар за сите лица кои сакаат да се стекнат со национално признат сертификат за нега и грижа на стари лица и лица со попреченост. Конкурсот е отворен за сите полнолетни граѓани на двете оптшини, жители на РС Македонија, а клучно е да бидат мотивирани да работат со стари и немоќни лица и лица со попреченост, како и по завршување на обуките да се вклучат во сервисите за нега и грижа на стари лица во оптштината, информира Дарко Пешовски, секретар на ОО Црвен крст, Крива Паланка.

Предност ќе имаат лица од Крива Паланка, невработени лица и лица од ранливи категории, а можат да се пријават наkrivapalanka@redcross.org.mk или директно в о просториите на општинската организација на Црвен крст, Крива Паланка.