Португалски војници осомничени за криумчарење на дијаманти, дрога и злато од ЦАР во Европа

Португалската полиција денеска изврши рација ширум земјата по дојавата дека португалски војници ангажирани во Африка со силите на Обединети нации криумчареле дијаманти, дрога и злато во Европа.

Извршени се претреси на повеќе од сто локации, а издадени се десет налози за апсење.

– ВОЈНИЦИТЕ СЕ ОСОМНИЧЕНИ ДЕКА СО ВОЕНИ ТОВАРНИ АВИОНИ КРИУМЧАРЕЛЕ ИЛЕГАЛНИ РАБОТИ ОД ЦЕНТРАЛНОАФРИКАНСКАТА РЕПУБЛИКА ДО ПОРТУГАЛИЈА, СЕ НАВЕДУВА ВО СООПШТЕНИЕТО НА НАЧАЛНИКОТ НА ГЕНЕРАЛШТАБОТ НА ПОРТУГАЛСКИТЕ ВООРУЖЕНИ СИЛИ.

Повеќе стотици елитни португалски војници, вклучително падобранци и специјалци, изминатите години како дел од силите на ОН се стационирани во ЦАР.

Во Португалија е покрената истрага откако во декември 2019 година се појавија сомнежи дека португалски војници учествувале во криумчарење на дијаманти.