Една третина од домаќинствата кои користат помош во храна, не јадат секој ден, предупредува француската асоцијација Католичка помош

Француската хуманитарна асоцијација Католичка помош (Секур Католик) го објави својот годишен извештај за сиромаштијата во Франција, според добротворната организација, барањата за помош во храна се значително зголемени, особено кај оние помлади од 25 години и во семејствата со деца, јави дописникот на МИА.

Секоја година, Католичката помош објавува извештај за сиромаштијата во Франција. Здружението им помага на најзагрозените, неговите корисници, според овогодинешниот извештај, имаат просечен приход од 537 евра, а 22 отсто од нив немале никакви финансиски средства во 2020 година. Во извештајот се нагласува фактот дека доколку првата потреба изразена од корисниците останува онаа на слушање и прифаќање, со 57 отсто под корисниците, побарувачката за храна се зголеми во 2020 година, од 50 на 54 отсто од корисниците во текот на една година.

Конкретно, организацијата разговараше сп 1.088 домаќинства меѓу оние кои одат во Католичка помош и забележа дека, меѓу домаќинствата со деца, побарувачката за помош во храна е зголемена: 59 отсто од самохраните татковци побарале помош, на пример, тие биле 53 отсто во 2018 година – 2019 година. Кај возрасните групи, најмногу е зголемена побарувачката кај младите од 15 до 25 години, од 50 отсто во 2019 година на 56 отсто во 2020 година.

Здружението идентификуваше два типа домаќинства кои прибегнуваат кон помош во храна: оние кои се во ситуација на екстремна сиромаштија од една страна, и од друга страна оние кои се во ситуација на парична сиромаштија, но кои имаат потешкотии да се соочат со дневните трошоци и кои накратко, мора или да си ги платат сметките и да побараат помош во храна, или да се хранат и да се задолжуваат.

Здравствената криза се јавува како отежнувачки фактор во оваа ситуација: 28 отсто од испитаните домаќинства укажуваат дека изгубиле приход за време на пролетните ограничувачки мерки. И пред се, 61 отсто од домаќинствата велат дека затворањето на училиштата, а со тоа и училишните мензи, имало реперкусии врз нивниот буџет.

Како резултат на тоа, девет од десет домаќинства погодени од помош во храна се несигурни со храната – што може да варира од едноставна грижа до најтешка лишување. Така, 27 отсто од анкетираните семејства потврдуваат дека понекогаш редовно не јадат цел ден или повеќе дена.

И затоа 83 отсто од испитаниците велат дека се загрижени за ефектите на нивната исхрана врз нивното здравје. Но тука има еден проблем. Додека процентот на домаќинствата свесни за здравствените последици од лошата исхрана се зголемува, 50 отсто од домаќинствата исто така велат дека не можат да направат ништо поради финансиски проблеми.

Како одговор на оваа мрачна слика, Католичката помош повикува на воспоставување гарантиран минимален приход за сите лица со регулирана ситуација и на возраст од 18 години, што би било еквивалентно на 50 отсто од просечното животно ниво и кој би бил достапен колку што е можно поавтоматски. Ова е да се создадат „територии без несигурност во храната“, или гаранција до пристапот до квалитетна храна.