Манила ја обвини кинеската крајбрежна стража за напад врз филипински бродови

Филипини денеска ја обвинија кинеската крајбрежна стража дека употребила водени топови против филипинските бродови во Јужно Кинеско Море.

Шефот на филипинската дипломатија Теодоро Локсин на Твитер напиша дека кинеската акција е „илегална" и ја осуди забраната за премин на филипинските бродови, кои ги снабдуваат филипинските војници во Јужно Кинеско Море.

Локсин истакна дека нападнатите бродови се цивилни и го повика Пекинг да се повлече.

Кина полага право на речиси цело Јужно Кинеско Море, кое е богато со природни ресурси.

Филипини, Малезија, Бринеи и Виетнам оспоруваат дел од кинеските барања во подрачјето, што е клучно за поморскиот пат на светската трговија.