Чучи: На премините меѓу Албанија и Косово ќе нема гранични контроли

Албанскиот министер за внатрешни работи Бледи Чучи денеска изјави дека движењето на граѓаните на Албанија и Косово ќе биде олеснето, со поставување систем на камери на граничните премини, по кои ќе се минува без запирање и контрола.

Тој рече дека се договорил со косовскиот колега, Џелал Свелча да се постават камери на граничните премини за да се набљудува преминувањето на возилата преку преминот, без да застануваат на премините.

Според него, ова не е дел од договор, но оти тоа било побарано на последната средба на премиерот на Албанија, Еди Рама и косовскиот Албин Курти, а треба да почне да се применува до следното лето.

Камерите треба да ги снимаат регистарските таблички на возилата без да го запрат возачот за контрола.

-ТОА НЕ Е ДЕЛ ОД ДОГОВОРОТ, ТУКУ НА БАРАЊЕ НА ДВАЈЦАТА ПРЕМИЕРИ, ПРЕЗЕДОВМЕ МЕРКИ И НЕМА ДА ЈА ЧЕКАМЕ ЛЕТНА СЕЗОНА, СЕ ДОГОВОРИВМЕ ДА ПОСТАВИМЕ СИСТЕМ НА КАМЕРИ, СО ЦЕЛ ДВИЖЕЊЕТО ДА БИДЕ БЕЗ ЗАПИРАЊЕ. ГО НАПРАВИВМЕ И ПЛАНОТ ЗА РАБОТА, ЌЕ БИДЕ ПОБРЗО ОД СЕЗОНАТА. ОВА Е НАШ ЗАЕДНИЧКИ НАПОР. СЕ НАДЕВАМ ДЕКА ТОА ЌЕ СЕ РЕАЛИЗИРА ПОРАНО, ПРЕД ПОЧЕТОКОТ НА СЕЗОНАТА, ИЗЈАВИ ЧУЧИ ПО ДЕНЕШНАТА ЗЕДНИЧКА СЕДНИЦА НА ВЛАДИТЕ НА ДВЕТЕ ЗЕМЈИ ВО ЕЛБАСАН.

Додаде дека за престојното одбележување на 28 ноември-Денот на независноста, косовските граѓани ќе може да минуваат без контрола на граничните премини.