Мароко ги затвора аеродромите за летови од странство

Мароко ги затвора своите аеродроми за летови од странство на две недели од понеделник навечер, поради страв од ширење на новата, високо мутирана верзија на Ковид-19, наречена омикрон, соопшти владината комисија.

„Одлуката е донесена поради брзото ширење на новата варијанта Омикрон, посебно во Европа и Африка, а со цел да се заштити здравјето на мароканските граѓани“, соопшти комисијата за следење на ситуацијата со коронавирусот.