Рокеншауб именуван за нов кризен менаџер на СЗО за Европа

Австриецот Џералд Рокеншауб е назначен за нов директор за здравствена вонредна состојба во Европа на Светската здравствена организација (СЗО).

Со тоа Рокеншауб станува главен кризен менаџер во здравството во Европа и на таа позиција ќе го поддржи регионалниот директор Ханс Клуге во борбата против Ковида 19, соопшти австриското Министерство за здравство.

Рокеншауб студирал медицина во Грац, по што завршил специјализација по општа хирургија, а неколку години работи на одделот за хирургија и ургентна медицина. Покрај тоа, тој е магистер по јавно здравство. Од 2004 година е регионален советник и програмски менаџер на СЗО.