Привршуваат градежните работи на градинката во Јосифово

Изградбата на новата детска градинка во валандовското село Јосифово, влезе во завршна фаза. Објектот, посочи валандовскиот градоначалник Перо Костадинов, се гради по највисоки европски стандарди и ќе ги прифати сите деца од претшколска возраст од населеното место затоа што детската заштита од секогаш била врвен приоритет на општина Валандово.

– Инвестираме континуирано во реализацијата на граѓанските приоритети, особено во подобрување на условите во детската заштита,затоа што со неа градиме здрава иднина и се зафаќаме со најголемите предизвици во заедницата, рече Костадинов.

Градоначалникот Костадинов најави дека ќе продолжат напорите за обезбедување средства за изградба барем на уште една градинка која со постоечките во Валандово и Брајковци,како и новата во Јосифово чија што изградба е при крај, ќе ги задоволат потребите за згрижување на сите деца од бојмијскиот регион.