Утре изрекување пресуда за убиството на српскиот новинар Славко Чурувија

Фондацијата „Славко Чурувија” соопшти дека за утре во 14.30 часот е закажано изрекување нова првостепена пресуда за четворицата поранешни членови на Секторот за државна безбедност обвинети за убиството на новинарот и издавач Славко Чурувија.

Првата пресуда од април 2019 година Апелациониот суд ја укина, јави Бета.

Од Фондацијата наведуваат дека станува збор за исклучително важен судски процес за убиството, кое според сите докази изнесени во текот на седумгодишното судење, како и првостепената пресуда, го организирала и извршила државата, односно нејзината тајна служба.