Норвешка планира да го ограничи движењето на сојузниците од НАТО во близина на Русија

Норвешката министерка за надворешни работи Аникен Хуитфелд во интервју за весникот ВГ изјави дека новата влада на земјата е за ограничување на движењето на сојузниците на Осло во НАТО во близина на границите на Русија.

– За Норвешка е важно да има воено присуство во областите блиски до нас. Но, мислиме дека ќе биде подобро ако се снаоѓаме сами во непосредна близина на руските граници – со помош на норвешки авиони и фрегати, истакна Хуитфелд.

Шефицата на норвешката дипломатија нагласи дека планира да разговара за ова прашање со Велика Британија и САД, додавајќи дека ќе дејствува во интерес на својата земја.

Истовремено, Хуитфелд оцени дека сегашното присуство на американските сили во областа во близина на границата со Русија не е поголемо отколку во другите периоди од „повоената ера”.