Казнет грчки полицаец за неносење маска додека казнувал граѓани за неносење маска

За неносење маска во Грција, без разлика дали е на отворено или затворено, полицијата може да напише казна од 300 евра, но може и полицаецот што ги казнува граѓаните за неносење маска, да не носи маска и да биде казнет, јави дописничката на МИА од Атина.

Невообичаената случка е од грчкиот град Патра каде што вчера, полицаец вршел проверки и им пишувал казни на граѓаните за неносење маска, додека ни самиот не носел.

По реакциите во медиумите, денеска реагираше министерот за цивилна заштита Такис Теодорикакос, а на несовесниот полицаец му била изречена предвидената казна од 300 евра за неносење маска.

Дополнително, започнала и дисциплинска постапка и преместување во друга служба.