Новогодишната ноќ во дебарско мина без никаков проблем, бебешки плач не се слушна и годинава

На подрачјето на општините Дебар и Центар Жупа, кои со својата активност ги покрива дебарското одделение за внатрешни работи, новогодишната ноќ мина мирно.

-НА ОВА ПОДРАЧЈЕ НОВОГОДИШНАТА НОЌ МИНА БЕЗ НИКАКВИ ПРОБЛЕМИ, НЕ Е РЕГИСТРИРАНО НАРУШУВАЊЕ НА ЈАВНИОТ РЕД И МИР, НИТУ ПАК КАКОВ БИЛО ПРОБЛЕМ ОД ОБЛАСТА НА СООБРАЌАЈОТ, ИАКО ПОСЛЕДНИТЕ ДЕНОВИ ЗГОЛЕМЕНА Е ФРЕКВЕНЦИЈАТА НА ВОЗИЛА, СО ПРИСТИГНУВАЊЕТО НА ПЕЧАЛБАРИТЕ, ГЛАВНО ОД ЗАПАДНОЕВРОПСКИТЕ ЗЕМЈИ, ПОТВРДИ ЗА МИА, СТЕФАН ДИМОСКИ, ПОРТПАРОЛ НА СЕКТОРОТ ЗА ВНАТРЕШНИ РАБОТИ-ОХРИД.

И оваа новогодишна ноќ, во одделението за гинекологија при дебарската Општа болница со проширена дејност, која со здравствена заштита ги покрива двете општини, според директорот, Баки Алили, не се слушнал бебешки плач.

Новороденче во новогодишна ноќ во болницата нема повеќе години наназад, поради фактот што поголемиот дел од мајките своите бебиња на свет ги донесуваат во болниците во Скопје и Струга, но и масовната миграција, која младите ги однесе во белиот свет.