Томица Младеновски од Старо Нагоричане го извади светиот Крст од водите на Пчиња

Томица Младеновски од Старо Нагоричане го извади светиот Крст од водите на река Пчиња во село Драгоманце, општина Старо Нагоричане, информираа од општината.

– Во општина Старо Нагоричане денеска традиционално се одбележа големиот христијански празник Богојавление – Водици. Пред голем број жители на Општината, во 11 часот во водите на реката Пчиња на мостот во селото Драгоманце се фрлаше светиот крст. Во водите на Пчиња скокнаа 19 момчиња, а крстот го фати Томица Младеновски од Старо Нагоричане, наведуваат од општината. Младеновски од градоначалничката Жаклина Јовановска доби телевизор и подароци од црквата и спонзорите, а и на останатите учесници им беа поделени пригодни подароци.